அந்த தமிழ் எங்கள் உயிருக்கு நேர்
என்றான் ஒரு கவி
யாமறிந்த மொழிகளிலே தமிழ் மொழிபோல்
இனிதாவது ஒன்றுமில்லை
என்றான் ஒரு கவி
எல்லாம் பழங்கதையாகி போனது
ஊரெங்கும் உலகத்தமிழ் செம்மொழி மாநாடுகள்
உண்மையில்
கன்னி தமிழ்
கற்பிழந்து விட்டது பிற மொழி கலந்து
பேசும் இரண்டு மூன்று
வாக்கியங்களுக்குள்
நான்கைந்து பிறமொழி சொற்கள்
ஆரம்பம் முதலே ஆங்கில கல்வியாம்!
தமிழ் எழுத படிக்க தெரியாத
தமிழ்நாட்டு குழந்தைகள்
வரிவடிவமில்லா மொழிகளெல்லாம்
வாழ்விழந்து போனதை அறிந்திருந்தும்
தமிங்கிலிஷ் குறுந்தகவல்கள்
தமிழ் பேசினால் மட்டும்
நாம் தமிழர்களா?
